Ur nri Timmuzɣa n … isemgan !

0 82

Iseggwasen iɣwezzafen aya nessutur izerfan-nneɣ, netnaɣ, nsawal, netturu, nettru, nesɣuyyu.

Kud nessutur ttamẓen-aɣ, ggaren-aɣ g ikurmuten-nnsen, neqqan-aɣ, tbezzazen ɣifneɣ ad neffeɣ timura-nneɣ. Nekwni neqqim ar asen nessutur. Netkur ulawen-nneɣ s usirem. Ar nettini : Yan wass tamaziɣt ad tuɣul d tunṣibt, ad tili, ad temɣur. Yan wass imaziɣen ad idiren g tlelli g tmura-nnsen. Nettu yat tɣawsa: Asirem igmas n tmettant. Asirem d-takerkast meqquren.

Kud nessutur nekwni tamaziɣt, ssiliyen nitni timezgidiwin, akkan ugar n udɣar i tserɣint.

G tidet, imaziɣen ur zmiren ad idiren g tlelli g tmura g nebḍen iserɣinn s yisem n yislam. Ansa ikka yislam da itɣar, da ittemtat, ammi t-ičča kan waruz (virus). Ur nɣiy ad nidir g tlelli d tagmat ddaw ucḍaḍ n yislam. Yislam d acengu n tlelli d izerfan. Ira ad issuɣul medden d-isemgan. Maka nekwni d-imaziɣen, ur nri ad nidir tudert n isemgan.

Itsen nnan-ak nekwni d-imaziɣen imunslmen. Nburez s uya. Amek trid ad tged ilelli mek k-yumeẓ yislam ddaw wuglan-nnes. Wenna iɣerrfen aqerru-nnes i wakal ku yass, ar issutur g tẓilla-nnes i rebbi n iserɣinn ad isɣus irumiyen d wudayen g udɣu (l’enfer), ur izmir ad ig ilelli, ula izmer ad yaǧ wiyeḍ ad idiren g tlelli.

Dinna ikka yislam irwi-t. ittect amm tmessi. Ur da degs ittaǧǧa ɣas iɣed.

Timmuzɣa, tin tidet, tella mgal n usɣan. Wenna iran ad ig amaziɣ, issukkef ddin n imunslmen seg wul-nnes neɣ seg wadif n iɣsan-nnes. Ur nezmir ad neg imaziɣen n tidet netfuṛ asɣan n iserɣinn.

Ilaq ku yan ad issired ifassen ɣef uzɣan. Add issukkef seg iẓuran isekraf n ddin-ddeɣ as-iqqnen allen, ikref-as anelli.

Acku, ur telli tlelli ula timmuzɣa ddaw umalu n ccariɛa !

Aksil Azergi

Tagged with: , ,
Tasghunt Idles

View all contributions by Tasghunt Idles

Similar articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.