SSUDEMAT TIZUKIN N FASKA …

0 260
Mhend Abttoy, Cartoons van een berber, XTRA, Amsterdam, 2008.

Mhend Abttoy, Cartoons van een berber, XTRA, Amsterdam, 2008.

James Huber « Embrassez les fesses de Marcel » Asuɣel : A.Yafelman. Tamsena 2005.

Tifawt n wass-a, sellaγ i titiwat γef teflut n taddart-inu. Rẓmeγ tawurt afeγ-d dat-i yan urgaz d yat tmeṭṭuṭ. Izwar urgaz, isawel, inna-i :

Sekku : Azul ! Nek Sekku, Han Marie !

Marie : Neddad ad ak nγeṛ. Nra ad idneγ tmuned ass-a, akken ad tessudmed tizukin n Mass nneγ Faska !

Sekku : Mek as tessadmed tazukt ad-ak ik amelyun, mek ur trid qqen ad-ak iṛṛez udem.

Nek : Ad i-yeṛṛez udem, max ur illi wezref g tmazirt ? Max mayed imes Faska-nnaγ ?

Sekku : Faska iga anesbaγuṛ. Netta ayed ibnan tamdint-ddeγ g nezdeγ. Izmer ad issker ayenna yra. Tura ira ad as-tessudmed tizukin ik-ak amelyun n Euro.

Nek : Maka !

Marie : Nker, mun akidneγ !

Nek : Kwenni, da tessudumem tizukin n Faska-nnaγ ?

Marie : Ku yass !

Nek : Ǧin am ika kan tedrimin ?

Sekku : Uhu. Ur nγiy ad nameẓ idrimen γas mek neffeγ tamdint !

Nek : Iwa ffeγ-at-tt !

Marie : Ur nγiy ad neffeγ acku Faska urta yri. Mek teffeγ-d s tuffra ur tennid at-tamẓed Melyun meqqar da s-tessudumed tizukin ku yass !

Nek : Tessnem kan yiwen issadmen tazukt n Faska, iffeγ tamdint, yameẓ iqariḍen ?

Sekku :
Yemma tgellint tessadem-as tizukin. Teffeγ tamdint aseggwas izrin. Faska ifra-as !

Nek : Mayed ak-innan hatin ika-s tidrimin ?

Sekku : ilaq ad as-ten-ik !

Nek : Yak !

Nek : Nek ur riγ ad as-ssudmeγ tizukin. Ur riγ idrimen-nnes. Ad iddu ad iqewwed !

Sekku : Qqen ad ak-iṛṛez udem ! Yuf-ak !

Nek : Is zemreγ ad iẓireγ Faska-nnaγ, ad as-siwleγ, mmeslayeγ ids γef uya ?

Sekku : Awed yan ur da t-ittinniy ! Awed yan ur da yas-isawal !

Nek : Amek tteggam ad as-tessudmem tizukin mek ur da t-ttinniyem ?

Marie : Itsent tikkal da nettwarag s tzukin-nnes nessudem-tent g twargit. Itsent tikkal yaḍen da nessudum tazukt i wgwerram, netta issiwiḍ-nn assudem i Faska.

Nek : Mayed imes ugwerram-nnaγ ?

Sekku : Yan umeddakkwel-nneγ. Netta ayed aneγ-isawlen γef tzukin n Faska d γef idrimen. Nekwni da yas-neqqar s γurreγ s taddart aken ad ičč.

Nek : Ukan tumnem-t iddeγ awen-inna hat illa Faska, hat iḥmel medden as-issudumen tizukin ?

Sekku : Mecta a-ya yuzen-d Faska yat tebrat i wgwerram. Tabrat-a degs kulci. Hatt-nn. Γer-tt, mek ur aγ-tumind !

Umẓeγ tifret, ar tt-qqareγ :

1. Ssudem-at tizukin n Faska mraw n tikkal g wass, ad awen ik melyun n Euro.

2. Sew-at imiqzizu (peu) n uγisim

3. Rreẓ-at udmawen i medden ur kwen irwasen

4. Čč-at imiq

5. Awal n Faska a-ya

6. Ayyur ittuskar seg wudi azegzaw

7. Ayenna yenna Faska iga tidet

8. Ssird-at ifassen-nnwen ig d-teffeγem seg ubedduz

9. Ad ur tessam aγisim

10. Zzery-at aksum s uγrum

11. Mek ur tessadmem tizukin i Faska, qqen ad awen-iṛṛez udem.

Nek : Tabrat a-ya ! Maka tirra rwasent tin ugwerram !

Marie : Tinnes ayed gant, acku Faska ur da yetturu !

Nek : Ha ! Iga akucam midd ur ikki aγerbaz ?

Marie : Uhu acku, Faska inna a-ya i wgwerram. Netta yaru-t.

Nek : Yak tennam-i awed yan ur izmir ad t-yinniy ! Uress matta uya ! Da γifi ṭṭeṣṣam ?

Marie : Uhu ! awal n Faska iga tidet !

Abettoy_karikature_2-99d57

Seg udlis «Cartoons van een berber » (Caricatures d’un berbère) de Mhend Abttoy. XTRA, Amsterdam, 2008

Nek : Waqila ameddakkwel-nnun agwerram ayed d-issafγen-aya !

Sekku : Uhu ! Acku inna Faska : « Awal n Faska a-ya », inna diγ « Sew-at imiqzizu n uγisim », yini diγ « čč-at imiq » d « ssird-at ifassen-nnwen ig d-teffeγem seg ubedduz »… A-ya illa, ihi, ayenna d-iṭfaren iga awed netta tidet.

Nek : Maka yenna diγ « Ad ur tessam aγisim », inna diγ « Ayyur ittuskar seg wudi azegzaw », A-ya izgel ! Ayyur degs iselliwen, ur degs udi ula yaγu. Medden t-id-ikkan nnan degs γas iselliwen. Ur degs ifunasen !

Marie : Nniγ-ak ayyur ittuskar seg wudi. Faska inna-t. Iwda ! Daccen max ur inni : « Ayenna yenna Faska iga tidet ». Amen !

Nek : Ima tamacahut n uksum d uγrum, Nek ur riγ ad zzriγ aksum s uγrum, riγ ad t-zzriγ s uγisim !

Sekku : A-ya ayed inna Faska !

Nek : I mek ur γuri illi weγrum ? Ur γuri aksum ? Mayed ttettaγ ? Tizukin n Faska ?

Ffeγ-at dati kud urta awen ṛṛziγ udmawen-nnwen…Ntel-at !

Γas isella Sekku i wawal-inu, iḍer. Tumẓ-t Marie, tezziker-t ar ir n ubrid ad tnada Aṭaksi. Tenna-yi

-Qqen ad tγused g uzerdab issaγ Faska. Ur ssineγ is tellid awed key g widdaγ… Maka ayenna γifneγ illan hatin nga-t. Mer trid ad-tesudemd tizukin n Faska at-tamẓed idrimen, allig ur trid… Nek ad ten-t ssudmeγ g udγar nnek, ttreγ-as ad ak-issuref…

Tasghunt Idles

View all contributions by Tasghunt Idles

Leave a reply

Your email address will not be published. Required fields are marked *