Faks

Faks

0 46

Poème inspiré des écrits de F. Mariot et de mes visites sur les lieux.
Texte dédié aux travailleurs immigrés kabyles de Decazeville

Yaru-t: Rabah ALLAM

Takka tsudd iberdan

Iberdan n wuzzal ičča-ten sḍid

Ammus, wa ɣef wa, d taffa n isegg°asen

Tebrek tettudum deg jaabuben

Imurar ijgugel deg-sen wurrif isegg°asen

Tebreq tmes deg iq°ara n wuzzal

Ixenfac iberkanen ikkaten uzzal

I tafrara ur d-nuli gar wuḍan

Urrif berrant wussan

Uzzalen wa ɣef wa

Takka tegugel d taberkant

Agu gar igenni d tmurt

Tifidi teɣza tettraḥ

Akin luzin s wallalen-is tedrem

Degla s tudert n iderman

Teɣli-d tsusmi deg ugrarab

Asmekti n tusut, caṛbun

Takka taberkant, aglim yettraḥ

Ixxamen teğğa-ten tallit

Iceqfan nemḍaṛen wa ur idda d wayeḍ.

Takucett tesbedd lqed-is s igenni

Tezem icuḍaḍ-is am ujedun n tmeqbert

Tekfa tmeɣra, luzin ttlen-tt di lekfen

Lekfen d aberkan

Yeɣli-d yiḍ

D tagara n tallit…

Ay din d ilem, …, tasusmi

Tamurt n war isem, mm tilist taberkant

Tamurt i d-ilulen mebla nettat

Tenger mebla nettat

Yurad lqec-is deg wemdun n caṛbun

Tirga ddant deg irag°en n umezruy

I ɣ-d-iqqimen kan d imal

Asirem iffka imɣi di lsas iɣulad

Tirga, tirga, …, d urawen.

Yaru-t: Rabah ALLAM

Tasghunt Idles

View all contributions by Tasghunt Idles

Leave a reply

Your email address will not be published. Required fields are marked *