Adlis amezwaru n Mina MUḤEJJAN TUẒUT N ULILI

Amaynu n teẓrigin: TUẒUT N ULILI

0 89

IFFEΓ-D UDLIS AMEZWARU N TEMYARUT TAMAZIΓT MINA MUḤEJJAN

Tessafeγ-d temyarut d tmedyazt tamaziγt Mina MUḤEJJAN adlis-nnes amezwaru TUẒUT N ULILI. Adlis-a iga ammud n tullisin ittyaran s tmaziγt. Iffeγ-d γur Tzelγa TIRRA n yimyura d temyura s tutlayt tamaziγt.

Tlula Mina Muḥejjan aseggwas n 1991 g yiγrem n Ayt Lfersi g temnaḍt n Tinγir. Tuwi-d aselkin n turagt g Tezrawin Timaziγin g Tesdawit Ibnu Ẓuher n Ugadir aseggwas n 2014. Dγi, da tettegga taselmadt tamanunt g Meknas.
Tullisin illan g udlis gant: 1- Taddagt n ulili 2- Atbir n tlelli 3- Tawargit 4- Tislit n unẓar 5- Aḥanu n leεwilt 6- Turtit n wurar 7- Ayekkuc 8- Adrim awraγ 9- Atbir n ljent 10- Iγef n yifilu 11- Netta d nettat 12- Tilelli n ufgan.

Aya n udlis iga tarmit tamezwarut g yiger n tirra n tullist tamaziγt. Wenna t-iran iseqsa g lal-nnes acku nettat aγur illa, ur illi g kra n tsedlist neγ γur kra n tmesmunt.

Imkinna tga Mina MUḤEJJAN tamyarut ayd tga tamedyazt. Tamu s tedyazin-nnes g twuriwin tidelsanin iga Umussu Adelsan Amaziγ g tesdawit n Ugadir. Ur tezgil awd tiwuriwin nna tteggant kra n tmesmunin tidelsanin timaziγin.

Γur temyarut-nneγ Utt Γiγuc yitsen yisenfaren g tirra s tmaziγt zund ammud n tedyazin d wungal…atg.

Da nrettu imal ibuγlan i uttmatneγ Mina imkinna nessirim ad ggadint temyura d tmedyazin timaziγin amm nettat af ad yili usfafa n Umussu Adelsan Amaziγ ikerrzen ifsan n tudert g tmizar-nneγ tesduhda tmara d tayri n udrim.

Σumar DERWIC

Aẓru n Ayt Wasif g 10 Mars 2966
23 – 03 – 2016

Amawal (Lexique): ammud n tullisin: recueil de nouvelles; tamyarut: femme ou fille écrivain; tadyazt: poème; aselkin : certificat ; turagt : licence ; Tizrawin Timaziγin : Etudes Amazighes ; tamanunt : stagiaire ; tarmit : expérience ; isenfaren : projets ; ungal : roman ; rtu : souhaiter

Tasghunt Idles

View all contributions by Tasghunt Idles

Leave a reply

Your email address will not be published. Required fields are marked *