ALΓU

0 52

Ass n umhad 28 g yennayer 2016, ittunɣa umeɣnas Σumar XALEQ, itsen wussan hill deffer n titi-nnes g tesdawit Qaḍi Σeyyaḍ n Merrakec. Ass-nnaɣ n sed 23 yennayer 2016, tebbey ɣifs yat tkabart n yiterrasen izdin d yiremmaɣen n Puliẓaryu, abrid, uten-t s yijenway d tgelzam. Takabart-ddeɣ tuta awed kuẓ n yimeɣnasen yaḍen imaziɣen. Ttyagsen awed nitni.

Σumar XALEQ, ittyasnen s «Yizem » yiwen g yimeɣnasen n Umussu Amaziɣ g Tesdawit n Merrakec. Iremmaɣen t-inɣan ur qqimin allig ṛmin uten-t. Ran ad nɣen tabɣest-nnes d yiniɣi-nnes ɣef tmust tamaziɣt agensu n tesdawit.

Tamesmunt AFAFA da tettlaɣa iwes-nnes i twacult n Σumar XALEQ g twaɣit-ddeɣ taberrkant tettidir. Da awed tettlaɣa iwes-nnes i Umussu Amaziɣ g tesdawitin akw n tmurt n Tmazɣa Tutrimt (Merruk).

Tamesmunt da tessutur g Umussu Amaziɣ asdwan ad ismun awal-nnes, ad isdus iɣef-nnes af ad yiɣiy ad irar titiwat. Ur ilaq menɣiwt n Yizem ad tettyattu.

Ur ilaq awed ad neqqel s kra g tgwemma n uzref n Merruk g tezdeɣ tareɣdemt seg lli aya. Teffeɣ-tent teflest. Ayennaɣ ag ilaq ad nerẓem allen, nedmu, af ad ur d diɣ irẓem udabu i yiremmaɣen inɣan Izem.

TUDERT I TMAZIΓT.

Lil,

Ass n 30 g Yennayer 2016

Tasghunt Idles

View all contributions by Tasghunt Idles

Leave a reply

Your email address will not be published. Required fields are marked *